• 李偉倫

    於上世紀合縱橫本地甲一籃壇數十載,打齊香港多隊甲一球隊包括海裕、永倫、南華、福建等,2014最新力作,於收山多年後復出為南華於聯賽爭標,令香港球迷既驚又喜;今年並成功帶領乙組班霸東方沙龍升班。


  • 香振強

    阿香,天生體內有籃球DNA,未出世在阿媽個肚入面就識打波。昔日係出名的籃壇壞男孩,17歲開始打甲一至今16年,曾效力飛鷹、永倫及福建,今年代表作是又打福建又帶超敏,於球場內精神分裂,一人分飾兩角。


  • 馬田

    同飛仔倫識於微時,同阿香一齊喜愛夜蒲,前港台節目主持人,嗌爆球場無敵口的專業鐵粉。雖然主修足球,但對籃球界大小二事都相當熟悉,信奉「唔啱就要鬧」真理,特別係對球証愛之深,鬧鑊甘。


  • 喪甘

    本地業餘籃球界精英,明星籃球隊Nuts重要成員,細個教阿香打波,在籃球場兩小無猜,今年再續前緣,齊齊打波做節目。同馬田係最佳拍檔,兩個只要坐埋一齊,唔笑到你喊都至少肚痛。


  • 轉身射個3分波

     

    波,其實可以咁樣講 ─

    由《謎米香港》誠意製作,一代籃球名將李偉倫、香港最佳控衛之一香振強、專業球迷馬田及業餘籃球精英喪甘聯合主持,一個屬於本地籃球壇的網台節目《轉身射個3分波》,每星期邀請不同嘉賓包括本地籃壇風雲人物、熱愛籃球的藝人、美少女球員及球迷等,一齊分享最新的本地賽事及NBA 資訊,和各路籃球粉絲吹吹水,講講波,有嘢就講,有料就放。

     



Top